KRYEFAQJA » LAJME » ALUIZNI ul shpenzimet e qytetarëve
Ndërsa në terren po punohet për verifikimin e të gjithë pallateve të braktisura nga ndërtuesit, kreu i ALUIZNIT Artan Lame iu kërkoi hapur banorëve të ndërtesave të pahipotekuar të bëjnë presion ndaj ndërtuesve për legalizimin e shtesave pa leje. "T'ju bëjnë presion me sa është e mundur ndërtuesve, tu thonë: "Shko, shteti i hapi të gjitha mundësitë që objekti të legalizohet"" tha ndër të tjera zoti Lame. Para disa ditësh banorët e Njësisë Nr.7 në Tiranë njoftuan se sekserët kanë nisur të shfaqen në dyert e tyre duke u hequr si punonjës të ALUIZNI-t duke ju marrë para banorëve në këmbim të legalizimit të objekteve. I nxitur nga denoncimet dhe arrestimi më i fundit në Farkë, zoti Lame bëri thirrje për kujdes. "Mos ju zini besë personave që paraqiten në shtëpitë tuaja pa qenë të paisur me dokumentin përkatës të identifikimit të punonjësit të ALUIZNI-t. Mos ju hapni derën personave që ju vijnë pa këtë dokument" tha zoti Lame. Ndërkohë, kreu i ALUIZNIT Artan Lame premtoi se muaji mars do mbyllet me 120 mijë legalizime të përfunduara në të gjithë vendin.

ALUIZNI ul shpenzimet e qytetarëve

Qeveia shqiptare ka vendosur të heqi një faturë nga shpenzimet e qytetarëve në procesin e legalizimit të banesave të tyre. Ajo ka miratuar së fundi një vendim sipas të cilit ALUIZNI gjatë procesit të lidhjes së kontratës së dhënies së truallit, do të bashkëpunojë me hipotekat. Kreu i ALUIZNI-t Artan Lame tha se me këtë rast shkurtohet edhe një hallkë e procesit të legalizimit, ndërsa marrëveshja lidhet pa pagesë. Zoti Lame njoftoi se ALUIZNI ka nevojë të punësoje dhe  rreth 300 punonjës shtesë me kontratë. Ai u bëri thirrje specialistëve të interesuar për punë të aplikojnë në zyrat rajonale ne Qarkur -Shkoder, në Kamëz-Paskuqan,  Korcë dhe Kukës.