KRYEFAQJA » LAJME » Basha në Bruksel, opozita pro reformës në drejtësi

Basha në Bruksel, opozita pro reformës në drejtësi

Reforma në Drejtësi duhet të ketë në fokus goditjen e krimit dhe korrupsionit vecanërisht në nivele të larta dhe jo marrjen e tij në mbrojtje. Me këtë argument Basha kërkoi në Bruksel në takimet e zhvilluara me personalitete të larta të BE-së dhe Partive Popullore Europiane, mbështetje për implementimin e kësaj reforme jetike për Shqipërinë. Basha garantoi vullnetin e opozitës pro reformës, bazuar në rekomandimet e Venecias. Në këto takime Basha tha se ka marrë mbështetje edhe për monitorimin e procesit zgjedhor.Sipas Kryedemokratit kjo qeveri është asgjësuese e institucionit të votes së lirë, ndërkohë sipas tij negociatat e Shqipërisë nuk mund të hapen pa zgjedhje të lira dhe të ndershme. Basha tha se mori mbështetje për monitorimin e ligjit të dekriminalizimit , ndërsa deklaroi se beson në largimin e të inkriminuarve nga postet publike dhe pushteti vendor, me hyrjen në fuqi të ligjit.