KRYEFAQJA » LAJME » Denoncohet një skemë mashtrimi me viza në Kanada, Australi dhe Angli

Denoncohet një skemë mashtrimi me viza në Kanada, Australi dhe Angli

Rreth 30 persona kanë denoncuar një kompani “fantazëm” e cila i mashtronte se do t`i siguronte viza në Kanada, Australi dhe Angli. Ndërsa ka hetuar këtë kompani, policia e Tiranes ka shpallur në kërkim shtetasen Lule Makashi, e cila akuzohet se ka mashtruar qytetarët e ndryshëm. Sipas policisë, ajo u merrte të interesuarve nga 2 mijë deri më 20 mije euro për çdo aplikim për person dhe i mashtronte. Policia ka të dhëna se kjo shtetase tashmë është larguar nga Shqipëria dhe ndodhet në Kanada. Po ashtu policia bën të ditur se ka ndaluar shtetasin Klevis Reshka, i dyshuar se bashkepunonte me Lule Makashin në këtë skemë mashtruese.