KRYEFAQJA » LAJME » Kapshticë, goditen dy raste të trafikut ndërkombëtar të narkotikëve në dalje të kufirit shqiptar

Kapshticë, goditen dy raste të trafikut ndërkombëtar të narkotikëve në dalje të kufirit shqiptar

Shërbimet e Policisë Kufitare të Kapshticës, në bashkëpunim me Specialistët e Seksionit kundër Narkotikëve, në dalje të kufirit shqiptar , kanë goditur dy raste të trafikimit të drogave të forta drejt shtetit Grek. Gjatë këtij operacioni 4 shtetas u arrestuan në flagrance shtetasit , Ledi Nurçe, 38 vjeç, banues në Bilisht-Devoll, Redona Demolli , 21 vjeçe, Mikel Çekrezi, 29 vjeç dhe Rudina Hoxha, 25 vjeçe, të tre banues në Korçë.

Këta shtetas tentonin të kalonin 320 gram lëndë e dyshuar narkotike Kokainë, drejt Greqisë.

Gjatë kontrollit të ushtruar shtetases Redona Demolli, konkretisht në çantën personale të saj, iu gjet dhe sekuestrua në cilësinë e provës materiale, një sasi prej 263 gram lëndë e dyshuar narkotike e llojit Kokainë. Kjo shtetase po udhëtonte së bashku me shtetasin Ledi Nurçe, me automjetin tip “Mitsubishi” në pronësi të tij dhe nga deklarimet e marra dyshohet se këtë sasi të lëndës narkotike, në çantën e saj , mund ta ketë vendosur Ledi Nurçe. Ndërkohë shtetases tjetër Rudina Hoxha, e cila ishte duke udhëtuar me automjetin tip “Mercedes-Benz” në pronësi të Mikel Çekrezit, në çantën personale , iu konstatua dhe sekuestrua në cilësinë e provës materiale, një sasi prej 57 gram lëndë e dyshuar narkotike e llojit Kokainë.
Materialet në ngarkim të shtetasve, i kaluan Prokurorisë të Krimeve të Rënda në Tiranë për veprat penale : “Trafikimi i narkotikëve” kryer në bashkëpunim .

Specialistët e Sektorit Kundër Trafiqeve dhe Narkotikëve, në Drejtorinë Vendore të Policisë Elbasan, bënë arrestimin në flagrancë të shtetasve:Vlase Tanaskoski , 35 vjeç dhe Aleksandër Trajkoski, 38 vjeç, te dy banues ne Struge Maqedoni , për “Trafikim të narkotikëve, kryer në bashkëpunim”.

Këta shtetas, u arrestuan nga efektivat e policisë, pasi në aksin rrugor Librazhd-Prrenjas, në afërsi të fshatit Hotolisht, gjatë kontrollit të ushtruar në mjetin tip “Jaguar” , u gjetën dhe u sekuestruan në cilësinë e provës materiale:
101.20 gramë, lëndë narkotike e dyshuar e llojit kokaine. 6 telefona 10 karta SIM dhe një sasi dinarësh Maqedonas.
Materialet i kaluan Prokurorisë së Krimeve të Rënda Tiranë për veprime të mëtejshme për veprën penale “Trafikimi i narkotikëve, kryer në bashkëpunim” .