KRYEFAQJA » LAJME » Kulturë » Kartelizohen 476 objektet ikonografike të sekuestruara tre vjet më parë

Kartelizohen 476 objektet ikonografike të sekuestruara tre vjet më parë

Mbyllet me sukses regjistrimi, katalogimi dhe kartelizimi i 476 objekteve ikonografike dhe dekorative të sekuestruara 3 vjet më parë. Ministria e Kulturës Mirela Kumbaro ka njoftuar përfundimin e kësaj pune gjigande siç e quan ajo, përmes faqes së saj në facebook. Komisionit të ekspertëve të trashëgimisë, ngritur për këtë qëllim, u është dashur gati një vit pune për të realizuar këtë proces, ndërkohë që ajo shprehet që këto objekte ndodhen të sigurta e të depozituara në fondet e Muzeut Historik Kombëtar. Më herët, ato qëndruan për një kohë të gjatë në mjediset e Galerisë Kombëtare të Arteve.

Katalogu do të shërbeje jo vetëm si bazë të dhënash, por edhe si një burim për të organizuar ekspozitat e posaçme me këtë material kulturor që do t’i shpalosim publikut së afërmi. Komisioni përbëhej nga ekspertë në mbrojtje dhe ruajtje të Trashëgimisë Kulturore, nga Galeria e Arteve, Muzeu Historik, Qendra kombëtare e inventarizimit të pasurive, instituti i monumenteve dhe Ministria e kulturës.