KRYEFAQJA » LAJME » Kosova solidarizohet me dhimbjen e Francës
A man holds a child after a truck plowed through Bastille Day revelers in the French resort city of Nice, France, Thursday, July 14, 2016. France was ravaged by its third attack in two years when a large white truck mowed through revelers gathered for Bastille Day fireworks in Nice, killing at dozens of people as it bore down on the crowd for more than a mile along the Riviera city's famed seaside promenade. (Sasha Goldsmith via AP)
A man holds a child after a truck plowed through Bastille Day revelers in the French resort city of Nice, France, Thursday, July 14, 2016. France was ravaged by its third attack in two years when a large white truck mowed through revelers gathered for Bastille Day fireworks in Nice, killing at dozens of people as it bore down on the crowd for more than a mile along the Riviera city's famed seaside promenade. (Sasha Goldsmith via AP)

Kosova solidarizohet me dhimbjen e Francës

Institucionet politike e fetare në Kosovë dënuan ashpër sulmin e së enjtes në Nisë të Francës. Në një deklaratë të kryetarit të Bashkësisë Islame të Kosovës, myftiut Naim Tërnava thuhet se “sulmi i mbrëmshëm në Nisë është akt barbar, që në shënjestër ka sulmin e parimeve të lirisë dhe vlerave qytetëruese e humane si objektiva tona të përbashkëta. Në këto momente të rënda solidarizohemi e mbështesim shtetin dhe popullin mik francez, duke ndier e ndarë dhimbjen me ta; ngushëllojmë familjarët e viktimave dhe lutemi për shërimin e të lënduarave. Sulmi i mbrëmshëm është kushtrimi më i mirë që bota e lirë duhet të jetë e bashkuar dhe unike kundër ekstremizmit e terrorizmit. Përballë terrorit e terroristëve bota nuk duhet të bëjë sehir, por duhet të ndërmarrë masa që akte e skena të tilla të llahtarshme ku pësojnë qytetarët e pafajshëm, mos të përsëritën kurrë më”, thuhet ne deklaratën e myftiut Tërnava. Kryeministri i Kosovës, Isa Mustafa u shpreh i tronditur “me aktin barbar i cili la të vdekur dhjetëra njerëz të pafajshëm në qytetin e Nisës. Në këto çaste të rënda për shtetin dhe popullin francez, Kosova bashkëndjen dhe shpreh solidaritetin e plotë me popullin mik francez”. Ai ritheksoi përkushtimin e Kosovës për të qenë pjesë e koalicionit global kundër terrorizmit. “Aktet e tilla terroriste nuk do të arrijnë të na ndalin në luftën tonë kundër të keqes globale”, thuhet mes tjerash në reagimin e kryeministrit Mustafa. Ndërsa kryetari i Parlamentit të Kosovës, Kadri Veseli tha se sulmi “ishte goditje e rëndë ndaj popullit të Republikës së Francës dhe vlerave tona të përbashkëta. Në këto momente të vështira, jemi pranë institucioneve franceze dhe ngushëllojmë familjet që humbën më të dashurit e tyre në këtë sulm të pashembullt nga egërsia, që po terrorizojnë dhe sjellin frikë tek të gjithë qytetarët, ndërsa të lënduarve u dëshirojmë shërim. Sulmi i mbrëmshëm na bën që të jemi më unik dhe më të vendosur kundër terrorizmit në nivel global”, thuhet në reagimin e zotit Veseli. Të tronditur janë shprehur edhe udhëheqësit e partive politike të cilët theksojnë veç të tjerash, se terrorizmi megjithatë nuk do të arrijë t’i rrënojë vlerat e qytetërimit evropian.