KRYEFAQJA » LAJME » Kryeministri serb Vuçiç, anulon vizitat në Bruksel e SHBA
Vucic-RS-IBNA

Kryeministri serb Vuçiç, anulon vizitat në Bruksel e SHBA

Televizioni shtetëror serb ka njoftuar se kryeministri që pritet të rimandatohet, Aleksandar Vuçiç ka anuluar vizitat në Bruksel, sikurse edhe bisedimet veçmas me zyrtarë amerikanë, pas raportove në një gazetë proqeveritare se, ambasadorët e Bashkimit Europian dhe Shteteve të Bashkuara po nxisin protestat kundër regjimit të tij. Vuçiç, një ish-ultranacionalist, ishte planifikuar të udhëtonte më vonë gjatë këtij muaji në Bruksel për të hapur edhe zyrtarisht bisedimet për anëtarësim në BE, si dhe në SHBA për të përuruar fluturimet e “Air Serbia” drejt Nju Jorkut. Anulimi i këtyre vizitave vjen pas presionit gjithnjë e në rritje nga Rusia,e cila kërkon prej Serbisë të mos i bashkohet Bashkimit Europian, sikurse edhe NATO-s. Mijëra persona protestuan të shtunën kundër shkatërrimit të një zone në Beograd të krijuar për një projekt të financuar nga Emiratet e Bashkuara Arabe për pasuri të patundshme. Protestat kanë qenë një sfidë më vete për Vuçiç, i cili përballet me akuzat për një regjim autoritar, pavarësisht se ka premtuar se do ta çonte Serbinë drejt integrimit në BE.