KRYEFAQJA » LAJME » Kuçi: Mandati i ri i EULEX-it me kompetenca të tjera
Hajredin-Kuci

Kuçi: Mandati i ri i EULEX-it me kompetenca të tjera

Ministri i Drejtësisë, Hajredin Kuçi ka raportuar para deputetëve të Komisionit për Integrime Evropiane ku ka thënë se është ndërtuar infrastrukturë ligjore, kryesisht në fushën penale. Ai duke folur për mandatin e EULEX-it në Kosovë, ka thënë se vazhdimi i këtij misioni ka ardhur pas shumë negociatave. “Kemi bërë tri negociata, janë zhvilluar edhe me përfaqësues të EULEX-it, Ambasadës Amerikane e OSBE ku kanë qenë të përfshira institucionet më të larta. Pas negociatave kemi ardhur në përfundim që mandati i EULEX-it duhet të vazhdohet edhe për dy vjet”. Sipas tij, mandati i ri i këtij misioni në Kosovë ka kompetenca të tjera. “Mandati i ri ka kompetenca të tjera, rastet në zhvillim do të mbesin në kompetencë të EULEX-it ndërsa rastet e reja do t’i marrin në koordinim me Këshillin Gjyqësor e Këshillin Prokurorial, prokurorin e shtetit”.