KRYEFAQJA » LAJME » Maqedoni, dështojnë bisedimet, por Hahn ende shpreson
Hahn në Maqedoni për zgjidhjen e krizës
Foto ilustruese

Maqedoni, dështojnë bisedimet, por Hahn ende shpreson

Në Maqedoni dështuan përsëri bisedimet mes partive rreth zbatimit të marrëveshjes për zgjidhjen e krizës politike. Pas bisedimeve të gjata, palët nuk arriten marrëveshje për formën e ligjit, i cili do të ndalonte publikimin e materialeve të përgjuara. Pas kësaj, u bllokuan edhe pikat e tjera të marrëveshjes. “Ishte ditë e keqe, shpresoj që nesër të jetë ditë më mirë. Ende gjithçka është e mundur. Jam i dëshpëruar, por ka mundësi që marrëveshja të respektohet. Është e qartë se nuk po kuptohet serioziteti i kësaj gjëndjeje. Duhet lidership për normalizimin e saj dhe te perspektivës evropiane të vendit”,deklaroi komisioneri për zgjerim dhe fqinjësi të mirë i BE-së, Johanes Hahn, i cili ndërmjetësoi bisedimet mes katër udheheqesve partiakë, atij të VMRO-DPMNE-së, Nikolla Gruevski, Lidhjes Social-Demokrate, Zoran Zaev, Bashkimit Demokratik për Integrim, Ali Ahmeti, dhe Partisë Demokratike Shqiptare, Menduh Thaçi.