KRYEFAQJA » LAJME » Bota » Mbarë bota nderon viktimat e sulmit në Orlando
orlando

Mbarë bota nderon viktimat e sulmit në Orlando

Manifestime të heshtura janë mbajtur në Orlando të Floridës dhe në gjithë botën për viktimat e sulmit vdekjeprurës në një klub të homoseksualëve. Një klerik mysliman u tha të pranishëmve në ceremoni se, myslimanët janë të bashkuar me ta kundër “ideologjisë së urrejtjes, vdekjes dhe shkatërrimit”. Tubime të ngjashme janë mbajtur në disa vende të botës, përfshirë këtu Francën, Australinë, Britaninë, Gjermaninë dhe Italinë. Sulmi në klubin e natës “Pulse” në Orlando ka lënë të vrarë 49 veta dhe të plagosur dhjetëra të tjerë. Autoritetet amerikane deklaruan se, autori i masakrës Omar Mateen kishte deklaruar besnikëri ndaj Shtetit Islamik para sulmit, por vetë presidenti Obama në orët e fundit e ka hedhur poshtë pistën e terrorizmit. Ndërsa klientë të shumtë të klubit të natës thanë për mediat amerikane se Mateen ishte një vizitor i rregullt i klubit. “Disa herë ulej i vetëm në një qoshe dhe pinte, herë të tjera dehej aq shumë sa që bëhej delirant”, tha një prej tyre. Ndërsa dëshmitarë të tjerë e kanë njohur atë nga aplikacionet për takimet mes homoseksualëve. Presidenti Obama pritet ndërkohë të vizitojë Orlandon më vonë gjatë së martës, për t’u bërë homazhe viktimave.