KRYEFAQJA » LAJME » Ministria e Mbrojtjes mbyll hetimin për rrëzimin e helikopterit
X rrezimi i helikopterit mbyllen hetimet shkoderX ministria e mbrojtjes

Ministria e Mbrojtjes mbyll hetimin për rrëzimin e helikopterit

Ministria e Mbrojtjes ka mbyllur hetimin administrativ për rrëzimin e helikopterit të Forcave të Armatosura në fillim të muajit prill në, Grizhë të Shkodrës. Sipas njoftimit, pas mbledhjes së të gjitha provave, doli se planizimi, organizimi dhe drejtimi i fluturimit stërvitor të helikopterit është bërë në përputhje me aktet ligjore dhe nënligjore në fuqi, që rregullojnë veprimtarinë e Forcave të Armatosura. Sipas konkluzioneve, Baza Ajrore e Farkës dhe strukturat e tyre, kanë planizuar dhe drejtuar fluturime stërvitore në përputhje me rregullat e sigurimit të fluturimit ajror. Ekuipazhi i helikopterit ishte duke kryer një stërvitje fluturimi vizual në përputhje me planin stërvitor të Forcës Ajrore. Gjatë gjithë veprimtarisë së tij dyjavore, grupi i punës është asistuar nga eksperte amerikane te specializuar për aksidente ajrore. Dy pilotë të Forcave të Armatosura humbën jetën dhe një ushtar profesionist mbeti i plagosur, pasi helikopteri ra në liqenin e Shkodrës. Përplasja me ujin ishte fatale për Kapitenin Florian Deliaj dhe togerin Donald Hoxha, ndërkohë që i plagosur mbeti ushtari Gerald Baramuça.