KRYEFAQJA » LAJME » Mustafa: Normalizimi i marrëdhënieve Prishtinë-Beograd po shkon “mjaft vështirë”

Mustafa: Normalizimi i marrëdhënieve Prishtinë-Beograd po shkon “mjaft vështirë”

Kryeministri i Kosovës, Isa Mustafa ka thënë se normalizimi i marrëdhënieve ndërmjet Beogradit dhe Prishtinës po shkon “mjaft vështirë”. Ai shtoi se në Kosovë akoma ekzistojnë strukturat paralele që  veprojnë me mbështetjen e Serbisë. “Është një proçes mjaft i vështirë. Ne kemi ndërhyrje të madhe të Serbisë në punët e brendshme të Kosovës, sidomos në pjesën veriore. Duam që t`i integrojmë serbët në të gjitha institucionet tona. Ne kemi këto struktura paralele që veprojnë me mbështetjen e Serbisë dhe nuk shohim  arsye që kjo të vazhdojë “, ka thënë Mustafa, në një intervistë për gazetën boshnjake “Dnevni avaz “. Kreu i ekzekutivit kosovar ka shtuar se Kosova dëshiron që te normalizojë marrëdhëniet me Serbinë. “Sa i përket njohjes, ky është një proces politik. Kjo nuk na pengon që të bashkëpunojmë Tani kemi marrëveshje të cilat duhet të zbatohen”, ka thënë Mustafa. Ai shtoi se Prishtina, pavarësisht çdo gjëje, bashkëpunon me Beogradin, kryesisht nëpërmjet dialogut në Bruksel.