KRYEFAQJA » LAJME » Një çmim për bashkëpunimin në rajon
Një çmim për bashkëpunimin në rajon

Një çmim për bashkëpunimin në rajon

Fondacioni për Europën Qendror (FEQ) i dha të enjten Goran Svilanoviçit çmimin “Dr. Elmer Hantos”, në shenjë mirënjoje për përpjekjet e tij si Sekretar i Përgjithshëm i KBR-së, për të promovuar bashkëpunimin në rajon. FEQ përgëzoi zotin Svilanoviç për aktivitetet e tij dhe punën në KBR për të promovuar bashkëpunimin e ndërsjelltë dhe integrimin e Europës Juglindore. “Bashkëpunimi përtej kufijve, dallimeve politike dhe pikëpamjet e ndryshme është gjëja më e natyrshme. Promovimi i bashkëpunimit rajonal në Evropën Juglindore, rajon nga ku vij vetë, si dhe në Evropën Qendrore dhe Lindore ka qenë një sfidë, por edhe një kënaqësi, duke e ditur se sa interesat e përbashkëta që kemi, se sa gjëra ndajmë me njëri tjetrin, por edhe se sa ne mund të mësojnë nga njëri-tjetri” tha zoti Svilanoviç, duke falënderuar për çmimin.
Çmimi mori në konsideratë edhe angazhimin e tij të mëparshëm si Ministër i Jashtëm i Serbisë dhe Malit të Zi, (2002-2004), kryetari i Grupit të Punës për Demokratizimin dhe të Drejtat e Njeriut (2004-2007) në kuadër të Paktit të Stabilitetit dhe si koordiantor i OSBE-së për aktivitetet ekonomike dhe mjedisore (2008-2012).
Çmimi jepet në nder të Dr. Elemer Hantos, një ekspert hungarez i ekonomisë. Ai mbrojti krijimin e një bashkimi ekonomik dhe tregtar të vendeve të Danubit. Hantos themeloi institutet ekonomike në Vjenë, Budapest, Brno dhe Gjenevë. Çmimi që mban emrin e tij jepet çdo vit për një person, ose organizatë për arritje të rëndësishme në nxitjen e bashkëpunimit ekonomik në Evropën Qendrore dhe Lindore. Çmimi është dhënë nga Fondacioni Evropës Qendrore me qendër në Zyrih. Laureatët e mëparshme përfshijnë György Konrad, Adam Michnik, Erhard Busek, dhe Vaclav Havel.