KRYEFAQJA » LAJME » Bota » Ohio, Trump prezanton Sekretarin e ri të Mbrojtjes
trump, ohio, sekretari i mbrojtjes, amerike

Ohio, Trump prezanton Sekretarin e ri të Mbrojtjes

Shefi i ri i Uashingtonit, i cili arriti një fitore mahnitëse, ka nisur një tur falenderimi në shtetet kryesore të fushë betejës elektorale. I shoqëruar nga zëvendëspresidenti Mike Pence, ai ndaloi së pari në shtetin e madh të Ohajos. Vetëm pak kohe para se te marre në duar çelësat e Shtëpisë së Bardhë, Trump premtoi se do të zgjidhë ngërçin që ka kapur vendin. “Në fund të fundit ne fituam, kjo ka rëndësi. Mos harroni që çdo ditë pas kësaj ju jeni ata që do të sillni ndryshimin”, tha Trump. Gjatë fjalimit në turin “Faleminderit Amerike” miliarderi deklaroi edhe emrin e ri të sekretarit të Mbrojtjes që i bashkohet stafit të tij. “Do të caktojmë ‘qenin e çmendur’, Gjeneralin James Mattis në postin e Sekretarit të Mbrojtjes. Megjithatë, nuk do t’a anoncojme zyrtarisht deri te hënën, kështu që mos i thoni njeriu. Matis është me të vërtetë një person madhështor”, u shpreh Trump. Ai është një nga figurat më të rëndësishme ushtarake të Shteteve të Bashkuara, gjenerali James Mattis, ish-marins, i cili ka shërbyer  në misione në Irak dhe Afganistan.Gjenerali njihet si një kritik i hapur i politikave të ndjekura në Lindjen e Mesme gjatë administratës “Obama”, veçanërisht kursit që Pentagoni ka ndjekur në Iran. Ai e ka cilësuar Iranin si “kërcënimin e vetëm për stabilitetin dhe paqen në Lindjen e Mesme”. Edhe pse i entuziazmuar për fitoren dhe pas gati 3 javëve relaksi, Trump duket se nuk i kishte harruar inatet e vjetra me Hillary Clinton apo mediat, të cilat i sulmoi sërish.