KRYEFAQJA » LAJME » PD amendamente të reja në prag seancës për vettingun
PD: Komisioni i Venecias konfirmon tërësisht qëndrimin e Partisë Demokratike

PD amendamente të reja në prag seancës për vettingun

Partia Demokratike depozitoi të hënën në parlament amendamente të tjera për projektligjin e vettingut, i cili pritet të diskutohet dhe miratohet të martën në seancë plenare. Këto janë propozimet e dyta të demokratëve për nenet 26-të deri 67-të. Më parë opozita ka depozituar propozimet për 25 nenet e para të draftit, miratuar nga shumica në komisionin parlamentar të Reformës në Drejtesi. Demokratët këmbëngulin se disa prej neneve fusin në ngërç proçesin e rivlerësimit pasi bazohen në thyerje të kushtetutës dhe përpjekje për kapje nga ana e qeverisë të procesit të kontrollit. Për opozitën Inspektoriati i Lartë i Deklarimit të Pasurive dhe departamenti i infomacionit të klasifikuar janë nën mbikqyerjen dhe kontrollin financiar të qeverisë. Sipas draftit gjyqtarët dhe prokurorët plotësojnë deklaratën e pasurisë dhe kontrollohen nga ILDKP. Ndërkohë për Partinë Demokratike thotë se ata duhet të deklarojnë të ardhurat pranë komisionit të pavarur të kualifikimit, i cili i kërkon vetëm ndihmë administrative ILDKP-së. Ndërsa në rastin e kontrollit të figurës së gjyqtarëve dhe prokurorëve, opozita ia le detyrën komisionit të pavarur të kualifikimit dhe jo departamentit të infomacionit të klasifikuar siç është në draft.