KRYEFAQJA » LAJME » Prokuroria kërkon 116 vite burg për vrasjen në Linzë

Prokuroria kërkon 116 vite burg për vrasjen në Linzë

116 vite burgim ka kërkuar prokuroria për 4 të pandehur, të akuzuar për “vrasje me paramendim”, në bashkëpunim, gjatë një konflikti ku ka mbetur i vdekur me armë zjarri shtetasi Enton Nikaj. Ngjarja ndodhi ne 11 nëntor 2015 në një lokal në zonën e Linzës. Procesi ndaj të pandehurve është zhvilluar me gjykim të shkurtuar dhe ata përfitojnë uljen me 1/3 e dënimit në rast se shpallen fajtorë nga gjykata. Në konkluzionet e saj përfundimtare, prokuroria e Tiranës kërkoi konkretisht, dënimin e Emiljano Tasho, me 35 vjet burgim, Bujar Hasani, me 28 vjet burgim, Mirsad Kuçana, ish efektiv policie me 28 vjet burgim dhe Ervis Martinaj, me 25 vjet burgim. Gjithashtu, Prokuroria e Tiranës kërkoi dënimin me 5 vite burgim për Erjon Biraçin për akuzën e “Përkrahjes se autorit të krimit”.