KRYEFAQJA » LAJME » PS kërkesë prokurorisë për verifikim të formularit të Flamur Nokës

PS kërkesë prokurorisë për verifikim të formularit të Flamur Nokës

Grupi parlamentar i PS dorëzoi rreth mesditës në prokurorinë e përgjithshme , kërkesën për hetim mbi figurën e deputetit demokrat Flamur Noka . Sipas nënkryetarit të grupit parlamentar të PS , Taulant Balla , në formularin e vetëdeklarimit, deputeti Noka nuk ka deklaruar të dhëna që e bëjnë atë objekt të ligjit të dekriminalizimit.

Në përgjigje të kërkesës së dorëzuar në prokurori nga grupi parlamentar i PS , selia blu sqaroi përmes një deklarate shpërndarë on line për mediat se masa e dhënë ndaj deputetit Flamur Noka , i referohet arratisjes së tij nga Shqipëria drejt ish – Jugosllavisë , në vitin ’90 dhe kthimit të tij në organet e sigurimit të shtetit dhe dënimit me “ekzekutim me varje në litar” nga organet e drejtësisë së asaj kohe . Një vendim që nuk arriti të ekzekutohet për shkak të zhvillimeve politike në vend në dhjetorin e ’90- ës.