KRYEFAQJA » LAJME » Rama do zhvillojë një vizitë dy ditore në Suedi me ftesë të homologut Stefan Lofven

Rama do zhvillojë një vizitë dy ditore në Suedi me ftesë të homologut Stefan Lofven

Kryeministri Edi Rama,i ftuar nga homologu i tij suedez Stefan Lofven do të zhvillojë një vizitë dy ditore në këtë shtet.

Zyra e Shtypit të Kryeministrisë njofton se gjatë kësaj vizite, Kryeministri do të marrë pjesë në panelin e nivelit të lartë të konferencës ” Qeverisje Progresive ” dhe do të ketë takime të veçanta me Kryeministrin dhe Kryetarin e Parlamentit të Suedisë.

Gjithashtu, në bashkëpunim me grupin JKL të kryesuar nga ish-Kryeministri Goran Pearsson, Kryeministri Rama do të lançoje partneritetin shqiptaro-suedez në fushën e investimeve nëpërmjet krijimit të një Këshilli të Investimeve. Pjesë e delegacionit zyrtar është dhe ministrja Ekonomi, e cila me homologun e saj suedez do bisedojnë rreth forumit të madh ekonomik Shqipëri-Suedi që do të mbahet në vjeshtë në Tiranë.