KRYEFAQJA » LAJME » Euro 2016 » Sadiku shënon, shqiptarët në delir
Rusia 2018, Manaj dhe Sadiku do të mungojnë me Lihtenshtejnin

Sadiku shënon, shqiptarët në delir

Armando Sadiku ka hyrë tashmë në histori. Ai ka shënuar golin e parë për Shqipërinë në debutimin e saj në “Euro 2016” në takimin me Rumaninë. Ishte minuta e 42 e pjesës së parë kur Sadiku goditi me mjeshtëri me kokë një top të krosuar nga e majta duke e dërguar në rrjetë. Goli i Sadikut u parapri nga disa raste që çuditërisht se si mund të humben. Në minutën e 23 Lenjani humb përballë portës bosh, ndërsa në të 35 Memushaj ka goditur, por portieri rumun ka pritur. Loja e ekipit të De Biazit ka ardhur duke u rritur vazhdimisht dhe sipas komentatorëve të futbollit rezultati 1-0 ndaj Rumanisë është plotësisht i merituar. Megjithatë pjesa e dytë do të jetë vendimtare. Shqipëria duhet të fitojë që të shpresojë në kualifikimin në “Euro 2016”.