KRYEFAQJA » LAJME » Bota » SHBA: Votimet e hershme shifra rekord me të paktën 43.2 milionë votues
SHBA: Votimet e hershme shifra rekord me të paktën 43.2 milionë votues

SHBA: Votimet e hershme shifra rekord me të paktën 43.2 milionë votues

Auoritetet shtetërore zgjedhore dhe vëzhguesit kanë raportuar për rritje rekord të votimeve të hershme, ndërsa prijnë votuesit hispanikë. Ky zhvillim duket se i ka dhënë një epërsi kandidates demokrate për presidente të Shteteve të Bashkuara, Hillary Clinton. Agjencia “Associated Press” ka raportuar se të pakten 43.2 milionë njerëz kanë votuar deri dje, ndërsa pritet që numri i përgjithshëm i këtij lloji të votimeve të arrijë në 50 milionë. Kjo do të thotë se më tepër se 40% e zgjedhësve amerikanë tashmë e kanë hedhur votën e tyre para ditës së sotme, kur është dita e zgjedhjeve presidenciale. Votimet e hershme të hispanikëve raportohet se kanë shënuar rritje në shtetet kryesore, ku pritet fitorja e kandidatit republikan, Donald Trump, siç janë Florida, Nevada dhe Kolorado. Udhëheqësi i fushatës së zonjës Clinton, Robby Mook, tha se rritjen e numrit të votimeve të hershme e sheh si shenjë se baza zgjedhore demokrate është e fuqishme dhe e motivuar në ditën e sotme zgjedhore.