KRYEFAQJA » LAJME » Tirana, ide krijuese në infrastrukturë

Tirana, ide krijuese në infrastrukturë

Pak kush mund ta ketë imagjinuar se rruga mund të kalohet edhe duke ecur mbi nje tastierë pianoje. Një gjë e tillë ndodh në rrugën e Durrësit, pranë gjimnazit Qemal Stafa, ku vijat e bardha, të njohura ndryshe si zebra, vinë në një formë krejt të veçantë. Një gjeje e tillë ka tërhequr vemendjen e drejtuesve të mjeteve apo kalimtarëve. 

Prej disa kohësh në Tiranë po ndërhyhet në infrastrukturën rrugore. Sinjalistika është një nga elementet që po plotësohet. Por duket se Bashkia e Tiranës nuk do t’i qëndroj modeleve standarte. Shembull i kësaj është ky vendkalim për këmbësore, por edhe shtimi i elementeve të tillë, si hapsirat e dedikuara për biçikletat dhe vija e verdhë për përdoruesit e shkopit të bardhë.

Një tjetër ndërhyrje infrastrukturore është bërë në ndriçimin e qytetit, këtij elementi që i jep jetë Tiranës edhe natën. Ide të tilla priten të zhvillohen më tej në të ardhmen. Veçanërisht ato do të synojnë sigurinë e këmbësorëve. Në disa vende të botës piktura tre dimensionale në rrugë, janë përdorur me sukses për të shmangur rreziqet e mundshme dhe për të ngadalësuar shpejtësinë e mjeteve.