KRYEFAQJA » LAJME » Veliaj: “23 kopshte gati për shtatorin”
Veliaj peruron kopshtin 11 në Tiranë, “23 kopshte gati për shtatorin”

Veliaj: “23 kopshte gati për shtatorin”

Shkon në 13 numri i kopshteve të rikonstruktuara nga Bashkia e Tiranës, të cilat janë gati të mirëpresin fëmijët në sezonin e ri shkollor. Kryetari i Bashkisë së Tiranës, Erion Veliaj, përuroi sot rikonstruksionin e kopshtit “Cicërimat” në njësinë nr. 5, ku theksoi se muaji shtator do ta gjejë qytetin me kopshte të riparuara. U jam shumë mirënjohës të gjitha kompanive që kanë ndihmuar në rikonstruksionin e kopshtit. E di që ka pasur një bashkëpunim fantastik, disa kanë kontribuar me ndërtimin, disa me infrastrukturën, me dyert, disa me parketin, me dritaret, me kondicionerët, me kuzhinën. Gjërat bëhen shumë mirë kur bëhen bashkë dhe më vjen mirë që ky kontribut është bashkëpunim i të gjithëve. Ndaj jam shumë i lumtur që ne në Tiranë, pavarësisht se jemi bërë 1 milion vetë, asnjëherë nuk kemi harruar se kur bashkëpunohet mund të bëjmë gjëra të bukura, të cilat veç e veç janë të pamundura” tha zoti Veliaj.

Kopshti “Cicërimat” është kopshti i 13 që rikonstruktohet nga Bashkia e Tiranës, në bashkëpunim me donatorët. Kemi edhe 10 kopshte të tjera. Sigurisht, do të kapim shtatorin me kopshte totalisht të rinovuara në qytetin e Tiranës. Të gjitha studimet tregojnë se kur fëmijët rriten mirë deri në moshën 5 vjeç, kemi qytetarë më të mirë deri në 50 vitet e ardhshme, ndaj dhe kjo është arsyeja pse ne e marrim shumë seriozisht çështjen e kopshteve dhe çerdheve në Tiranë sepse besojmë që prindërit e Tiranës na kanë besuar gjënë e tyre më të çmuar, fëmijët e tyre” premtoi kreu i Bashkisë së Tiranës Erion Veliaj.

Kopshti nr. 11 është rikonstruktuar plotësisht. Janë kryer të gjitha punimet e brendshme, duke filluar me zëvendësimin e të gjitha dyerve dhe dritareve, instalimet elektrike dhe hidraulike, duke vijuar me mobilimin, shtrimin e pllakave etj.