KRYEFAQJA » LAJME » Zhbogar në Shkup, ambasadorja bullgare Apostolova në Prishtinë
Zbogar

Zhbogar në Shkup, ambasadorja bullgare Apostolova në Prishtinë

Komiteti për politikë të jashtme i Parlamentit Evropian ka emëruar ambasadoren bullgare Nataliya Apostolova si përfaqësuese të posaçme të BE-së në Kosovë, pasi diplomati slloven Samuel Zbogar u emërua shef i Delegacionit të Komisionit Evropian në Maqedoni. Agjecia maqedonase e lajmeve MIA ka njoftuar se vendimi ende nuk është publikuar zyrtarisht, por Zhbogar, që aktualisht kryen detyrën e përfaqësuesit të posaçëm të BE-së në Kosovë, do të marrë detyrën e shefit të Delegacionit të Komisionit Evropian në Maqedoni, në muajin shtator nga diplomati estonez Aivo Orav. Samuel Zhbogar në vitin 2011 u emërua në detyrën e Përfaqësuesit të Posaçëm të BE-së në Kosovë, nga ish-shefja e politikës së jashtme dhe sigurisë së BE-së, Catherine Ashton, pas disa vjetësh në krye të diplomacisë sllovene. Ambasadorja bullgare Nataliya Apostolova ka qenë e emëruar në krye të delegacionit të BE-së në Libi.