Fituesi: Elsa Lila
Festivali: 36
Viti: 1997
Regjisor: Leonard Gjata
Skenograf: Bashkim Zahaj
Dirigjent: Ferdinand Deda, Alfred Kaçinari, Adrian Hila
Orkestra e madhe: Orkestra Simfonike Radio Televizioni Shqiptar
Redaktor letrar: Alqi Boshnjaku
Prezantues: Adi Krasta, Vilma Papajani, Hygerta Sako, Monika Zguro
Drejtor artistik: Zhani Ciko
Festivali i vitit 1997, viti i trazirave dhe vështirësive që kaluan shqiptarët, nuk e mundi dot muzikën, pasi festivali i fundvitit arriti të realizohej me sukses, duke përcjellë për shqiptarët mesazhin më të bukur, të paqes! Ky edicion u zhvillua në datat 18, 19, 20 dhe 21 dhjetor, në sallën e Pallatit të Kongreseve. Sërish një tjetër pjesëmarrje nga këngëtarja Elsa Lila, do ta rikthente atë në podiumin e fitores. Kënga me mesazh të fuqishëm, social për gjithçka kaluan shqiptarët në atë periudhë, preku mjaft zemra të të gjithë publikut. Juria profesioniste vlerësoi me çmim të parë këngën “Larg Urrejtjes” të kompozuar nga Valentin Veizi dhe tekstshkrues Alqi Boshnjaku. Në prezantim të këtij edicioni ishin: Adi Krasta, Vilma Papajani, Hygerta Sako, Monika Zguro. Në festival konkurruan 36 këngëtarë dhe për herë të parë u zhvillua “Post Festival” program ky i cili e vazhdoi traditën edhe në festivale të tjera të fundvitit.
