Nj\u00eb nd\u00ebrhyrje kirurgjikale e v\u00ebshtir\u00eb ka p\u00ebrfunduar me sukses n\u00eb Sh\u00ebrbimin e Neurokirurgjis\u00eb n\u00eb Qendr\u00ebn Spitalore Universitare \u201cN\u00ebn\u00eb Tereza\u201d. Nj\u00eb vajz\u00eb vet\u00ebm tre vje\u00e7, e diagnostikuar me nj\u00eb mas\u00eb tumorale n\u00eb trurin e vog\u00ebl, i \u00ebsht\u00eb n\u00ebnshtruar nj\u00eb operacioni q\u00eb zgjati plot 7 or\u00eb.<\/p>\n
N\u00eb emisionin \u201cN\u00eb Radio\u201d t\u00eb Andri Xhahut n\u00eb Radio Tirana, shefi i sh\u00ebrbimit t\u00eb neurokirurgjis\u00eb, mjeku neurokirug Prof. Dr. Artur Xhumari, rr\u00ebfeu detajet e k\u00ebtij operacioni, sfidat mjek\u00ebsore si dhe r\u00ebnd\u00ebsin\u00eb e bashk\u00ebpunimit mes stafit mjek\u00ebsor dhe familjes.<\/p>\n
Prof. Dr. Artur Xhumari shpjegoi se kompleksiteti i k\u00ebtij operacioni lidhej me dy parametra kryesor\u00eb: mosh\u00ebn e pacientes dhe pozicionin e mas\u00ebs tumorale. Sa i p\u00ebrket mosh\u00ebs, mjeku theksoi se te nj\u00eb f\u00ebmij\u00eb 3-vje\u00e7ar, \u201cedhe hemorragjia m\u00eb e vog\u00ebl b\u00ebhet shum\u00eb problematike p\u00ebr trupin e saj t\u00eb vog\u00ebl\u201d. Nga ana tjet\u00ebr, vendndodhja e tumorit n\u00eb trurin e vog\u00ebl p\u00ebrb\u00ebnte nj\u00eb rrezik t\u00eb drejtp\u00ebrdrejt\u00eb p\u00ebr jet\u00ebn, pasi aty ndodhen struktura t\u00eb r\u00ebnd\u00ebsishme jetike q\u00eb kontrollojn\u00eb funksionet baz\u00eb, si frym\u00ebmarrja dhe rrahjet e zemr\u00ebs. Sipas tij, \u00e7do komplikacion apo hemorragji n\u00eb at\u00eb zon\u00eb b\u00ebhet k\u00ebrc\u00ebnuese p\u00ebr jet\u00ebn.<\/p>\n
Gjat\u00eb heqjes s\u00eb mas\u00ebs tumorale, ekipi u p\u00ebrball me hemorragji t\u00eb papritura, nj\u00eb situat\u00eb q\u00eb k\u00ebrkonte ndalimin e p\u00ebrkohsh\u00ebm t\u00eb nd\u00ebrhyrjes p\u00ebr t\u2019i l\u00ebn\u00eb koh\u00eb anestezistit t\u00eb kompensonte gjakun e humbur. \u201cNe pat\u00ebm dy her\u00eb pyetjen me veten: A duhet t\u00eb ndalojm\u00eb e t\u00eb mbyllim operacionin sepse hemorragjia po na detyron t\u00eb ndalojm\u00eb, apo t\u00eb provojm\u00eb edhe pak? K\u00ebtu b\u00ebhet nj\u00eb ekuilib\u00ebr midis p\u00ebrfitimeve dhe humbjeve.\u201d<\/p>\n
Mjeku sqaroi se vendimi p\u00ebr t\u00eb mos e l\u00ebn\u00eb tumorin e hequr p\u00ebrgjysm\u00eb bazohej n\u00eb faktin se pjesa e mbetur mbart rrezik t\u00eb lart\u00eb p\u00ebr hemorragji t\u00eb nes\u00ebrmen. Mjeku tha se heqja e plot\u00eb \u00ebsht\u00eb shansi m\u00eb i mir\u00eb p\u00ebr pacientin, pasi garanton mbijetes\u00ebn maksimale dhe nj\u00eb t\u00eb ardhme pa probleme.<\/p>\n