Zjarr në bazën ushtarake kanadeze, 4 të vdekur dhe dhjetëra të plagosur

Botë | 42 minuta më parë

Katër ushtarakë kanadezë humbën jetën dhe dhjetëra të tjerë u plagosën si pasojë e një zjarri që përfshiu një bazë ushtarake në provincën Alberta.

Duke folur për kombin, kryeministri kanadez Mark Carney e cilësoi ngjarjen si një nga tragjeditë më të rënda që ka goditur ushtrinë në tokën kanadeze në kohë paqeje.

Zjarri nisi pasditen e së shtunës në një terren stërvitor të mbuluar me bar dhe më pas u përhap në bazën Wainwright, një nga bazat më të ngarkuara të ushtrisë në vend.

“Kombi është në zi për anëtarët e forcave tona të armatosura që humbën jetën”, u shpreh kryeministri Carney.

Nga 39 të lënduarit që janë shtruar në spital, 19 ndodhen në gjendje të rëndë.

Flakët janë vënë tashmë nën kontroll, ndërsa po hetohen shkaqet e zjarrit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.