“Besa” kërkon zgjedhje, Zaev largohet nga qeveria e RMV brenda këtij viti

Maqedonia e Veriut | 5 vite më parë

Kryeministri i Maqedonisë së Veriut, Zoran Zaev, do të largohet nga posti pas fjalimit të fundvitit të presidentit, Stevo Pendarovski.

Synimi i Zaev është që kjo të ndodhë brenda këtij viti, në mënyrë që ekzekutivi i ri të nisë punën deri në mesin e janarit.

Pasardhës i tij pritet të jetë, Dimitar Kovaçevski, i cili mori së fundmi dhe drejtimin e partisë LSDM. Ky i fundit, bashkë me Zaev, u takua me përfaqësues të partive të koalicionit qeverisës për të negociuar për programin dhe postet ministrorë në ekzekutivin e ri.

Ndërkohë, opozita vijon të kërkojë zgjedhje të parakohshme, pavarësisht se tashmë ekziston një mazhorancë e qëndrueshme parlamentare. Partia shqiptare, Lëvizja BESA, thotë se dështimi në hapjen e negociatave të anëtarësimit me BE tregon paaftësinë e qeverisë dhe ndaj zgjedhjet e parakohshme janë të domosdoshme./DW

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.