Qytetarët në Maqedoninë e Veriut votuan të dielën për zgjedhjen e drejtuesve të ri të pushtetit lokal.  Rreth 50 për qind e qytetarëve morën pjesë në zgjedhjet që konsiderohen një test për qeverinë e koalicionit të drejtuar nga Zoran Zaev.

Qendrat e votimit u mbyllën në 19: 30, gjysmë ore më vonë nga afati i parashikuar. Sipas rezultateve paraprake, VMRO-DPMNE në opozitë ka fituar në një sërë komunash të vendit, por beteja për Shkupin do të vazhdojë në një raund të dytë.

Lideri i VMRO-DPMN-së, Hristian Mickovski flet për fitore të madhe ndërsa Zaev shprehet optimist se do të triumfojnë në raundin e dytë. në daljen e parë pas përfundimit të raundit të parë të zgjedhjeve, Zaev tha se në balotazh shkojnë 36  nga 80 komuna dhe qyteti i Shkupit.

Ndërsa në komunën e Qendrës, Karposhit, Shoto Orizarës dhe në shumë të tjera, tha se udhëheqin bindshëm dhe mund të fitojnë që në raundin e parë. Sa i përket partive shqiptare, BDI, ka fituar në tre komuna atë të Lipkovës, Sarak dhe Plasnicës. /A2