Shkëndija e Tetovës me trajner të ri, është Artim Shaqiri

Maqedonia e Veriut | 5 vite më parë

Shkëndija e Tetovës ka gjetur pasuesin e teknikut Bruno Akrapovic, që u shkarkua nga drejtuesit pas barazimit në javën e fundit ndaj Borec. Kampionët në fuqi të Maqedonisë së Veriut njoftojnë se tekniku i përkohëshëm i skuadrës do të jetë Artim Shaqiri. Ky i fundit ka qëndruar pranë klubit prej një muaji, me misionin për ta vëzhguar dhe për të marrë detyrën e Drejtorit Sportiv, duke nisur nga fundi i këtij sezoni.

Megjithatë, shkarkimi i Akrapoviç e ka bërë të nevojshëm rikthimin e menjëhershëm të Shaqirit, që do të qëndrojë në detyrën e trajnerit të përkohshëm deri në fund të sezonit dhe më pas do të marrë rolin e Drejtorit Sportiv. Kur kanë mbetur edhe 8 javë nga përfundimi i sezonit, ish-trajneri i Kukësit, ka vetëm një objektiv të vetëm, të mbajë Shkëndijen në zonën e Europës.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.