Osteoporoza është një nga sëmundjet më të përhapura të sistemit kockor, e cila shpesh kalon pa u kuptuar deri në momentin që shkakton fraktura apo dhimbje të forta. Sipas mjekut ortoped Sulejman Sokoli, kjo sëmundje mund të diagnostikohet shumë lehtë përmes ekzaminimeve të thjeshta.

“Zakonisht tek kategoria e të moshuarve, osteoporoza është më evidente, ajo diagnostikohet këtu dhe është një ekzaminim jo invaziv”, u shpreh mjeku.

Mjeku thekson se shkaqet që çojnë në osteoporozë janë të shumta.

“Zakonisht janë shkaqe të modifikueshme dhe të pa modifikueshme, të cilat lidhen me moshën, menopauzën, gjenetikën. Faktorë të tjerë janë duhani, aktiviteti fizik, alkooli ushqyerja”, tha Sokoli.

Mjekët apelojnë për kontrolle të rregullta, ushqyerje të shëndetshme dhe aktivitet fizik të vazhdueshëm për të parandaluar osteoporozën dhe për të ruajtur shëndetin e kockave në çdo moshë.

Gazetare: Irda Bajraktari

/rtsh.al/