Vodhi marketin në Yzberisht duke kanosur punonjësen me thikë, arrestohet 40-vjeçari me precedent penal

Aktualitet | 9 muaj më parë

Autori që vodhi me thikë një market në Yzberisht është vënë në pranga e policisë, vetëm disa orë pas ngjarjes.

Vjedhja ndodhi ditën e djeshme, ndërsa në pranga u vu 40-vjeçari E.T., i cili rezulton me precedent të mëparshëm penal për vjedhje me dhunë. Autori u kap në zonën e njohur si Rruga e Qelqit.

40-vjeçari vodhi një shumë parash në një market në zonën e Yzberishtit, duke kanosur me thikë punonjësen e dyqanit. Gjatë ngjarjes, punonjësja e marketit u dëmtua në dorë nga thika që mbante autori, në momentin që ajo tentoi ta ndalonte.

E dëmtuara mori ndihmën mjekësore të nevojshme dhe më pas u largua nga spitali, jashtë rrezikut për jetën.

Materialet procedurale i janë referuar Prokurorisë, për vijimin e veprimeve të mëtejshme ligjore.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.