Policia ka parandaluar një ngjarje kriminale në Velipojë duke vendosur në pranga një 47-vjeçar. Sipas policisë, 47-vjeçari është konfliktuar fizikisht për motive të dobëta, me një 42-vjeçar, në fshatin Gomsiqe, dhe posedonte një armë zjarri pistoletë.

42-vjeçari është dëmtuar dhe po merr mjekim në spital.  

“Specialistët për Hetimin e Krimeve të Stacionit të Policisë Velipojë, menjëherë pas marrjes së njoftimit se në fshatin Gomsiqe, dy shtetas ishin konfliktuar me njëri-tjetrin dhe për pasojë ishte dëmtuar njëri prej tyre, organizuan punën për parandalimin e përshkallëzimit të konfliktit.  Si rezultat i veprimeve të shpejta operacionale, u kap dhe u arrestua shtetasi N. S., 47 vjeç. Nga veprimet e para hetimore dyshohet se shtetasi N. S. është konfliktuar fizikisht për motive të dobëta, me shtetasin F. K., në fshatin Gomsiqe. Si pasojë e konfliktit është dëmtuar shtetas F. K., i cili po merr mjekim në Spitalin Rajonal Shkodër”, thuhet në njoftimin e policisë.

Ndërkaq, në vijim të veprimeve dhe gjatë kontrollit në banesën e shtetasit N. S., shërbimet e Policisë gjetën dhe  sekuestruan në cilësinë e provës materiale, një armë zjarri pistoletë që ai e posedonte pa leje, ndërsa materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

/rtsh.al/