Një 43-vjeçar është arrestuar në Tiranë, pasi dyshohet se ka kryer 6 vjedhje dhe tentativa për vjedhje vetëm gjatë dy ditëve të fundvitit 2025.

Gjatë operacionit policor të koduar “Objektivi”, u vu në pranga shtetasi K. M., 43 vjeç, banues në Tiranë, i dyshuar si autor i 6 rasteve të vjedhjes dhe tentativës për vjedhje.

Sipas Policisë, më datë 21.01.2026, ai dyshohet se ka vjedhur me thyerje një shumë parash dhe disa dokumente në zyrat e Postës Shqiptare, në rrugën “Kujtim Laro”, si dhe ka tentuar të vjedhë në filialin e një banke.

Gjithashtu, në datat 09.10.2025 dhe 26.11.2025, 43-vjeçari dyshohet se ka vjedhur shuma parash dhe produkte në katër lokale të ndryshme, në zona të ndryshme të kryeqytetit.

Gjatë kontrollit të ushtruar në banesën e tij, shërbimet e Policisë gjetën dhe sekuestruan një shumë parash të dyshuara të vjedhura, veshje që dyshohet se janë përdorur gjatë kryerjes së vjedhjeve, si dhe mjete të forta që shërbenin për hapjen e dyerve.

Materialet procedurale i kaluan Prokurorisë së Tiranës, për veprime të mëtejshme.

/rtsh.al/