Ministrja e Shëndetësisë, Evis Sala, ka zhvilluar takime në Institutin Kombëtar të Tumoreve në Milano, ku është diskutuar forcimi i bashkëpunimit ndërinstitucional në fushën e onkologjisë.

Përmes një postimi në platformën X, ministrja Sala bëri të ditur se, së bashku me presidentin e institutit, Gustavo Galmozzi, është diskutuar bashkëpunimi konkret për mbështetjen e ngritjes së Institutit të Tumoreve në Shqipëri.

“Diskutuam bashkëpunimin konkret për mbështetjen e ngritjes së Institutit të Tumoreve në Shqipëri si një qendër për ndërtimin e kapaciteteve, trajtimin multidisiplinar të kancerit, kërkimin shkencor dhe hartimin e politikave onkologjike të bazuara në evidenca”, shkruan Sala.

Sipas ministres Sala, ky partneritet përfaqëson një bashkëpunim strategjik të përafruar me standardet europiane, me fokus forcimin institucional dhe zhvillimin e qëndrueshëm të sistemit të kontrollit të kancerit në vend.

/rtsh.al/