I dënuar në Mbretërinë e Bashkuar për vrasje, arrestohet në Tiranë 34-vjeçari

Aktualitet | 8 muaj më parë

Një 34-vjeçar është arrestuar në Tiranë këtë të premte (13 shkurt), i shpallur në kërkim për vrasje nga Mbretëria e Bashkuar. Policia bën me dije se arrestimi i 34-vjeçarit me inicialet A.Sh., erdhi si rezultat i finalizimit të operacionit të koduar “Operacionalja”.

Ai ishte shpallur në kërkim ndërkombëtar nga Interpol Manchester, pasi Gjykata e Kentit të Veriut në Mbretërinë e Bashkuar, më datë 15.01.2026, i ka caktuar masën e sigurisë “Arrest në burg”, për veprën penale “Vrasje”.

Interpol Tirana, në bashkëpunim me autoritetet britanike, vijon procedurat për realizimin e ekstradimit drejt Mbretërisë së Bashkuar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.