Ortekët bllokojnë aksin Qafë Thore-Theth, qytetarët nuk ndalen. ARRSH: Rrezikshmëri e lartë, shmangni lëvizjet

Aktualitet | 8 muaj më parë

Aksi rrugor Qafë Thore-Theth vijon të jetë i bllokuar për shkak të rrezikut nga ortekët dhe kushtet e vështira atmosferike.

Sipas njoftimit të Autoriteti Rrugor Shqiptar (ARRSH), firma e kontraktuar për mirëmbajtjen e segmentit ka kërkuar ndërhyrjen e Policisë, pasi disa drejtues mjetesh kanë tentuar të kalojnë, pavarësisht rrezikshmërisë së lartë.

ARRSH bën me dije se rreth orës 08:30 një patrullë policie ka mbërritur në zonë dhe po monitoron situatën, duke mos lejuar qarkullimin e automjeteve në drejtim të Thethit.

Autoritetet u bëjnë thirrje qytetarëve të shmangin lëvizjet në këtë aks deri në një njoftim të dytë, për shkak të rrezikut serioz që paraqesin ortekët në zonat malore.

ARRSH

bora

Qafë Thore-Theth

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.