Prokuroria Elbasan nis hetimet pas bllokimit të plotë të aksit Librazhd-Pogradec

Aktualitet | 8 muaj më parë

Prokuroria pranë Gjykatës së Shkallës së Parë të Juridiksionit të Përgjithshëm Elbasan ka njoftuar se ka filluar procedimin penal lidhur me dëmtimet që shkaktuan bllokimin total të qarkullimit në aksin rrugor Librazhd-Pogradec.

Hetimi është regjistruar për veprat penale “Shpërdorim i detyrës”, “Shkelje e barazisë në tendera apo ankande publike”, “Shkatërrimi i rrugës” dhe “Ndotja e ajrit, ujit apo tokës”, sipas neneve 248, 258, 155 dhe 201 të Kodit Penal.

Për këtë qëllim është krijuar një grup hetimor. Aktualisht, qarkullimi i të gjitha automjeteve, përfshirë autoambulancat dhe mjetet e zjarrfikëses, është i ndaluar. Lejohet vetëm kalimi në këmbë, që prej mëngjesit, pasi mbrëmë lëvizja ishte e ndaluar për shkak të rrezikut për qytetarët.

/rtsh.al/

Elbasani

librazhd

Pogradeci

prokuroria

rruga

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.