Vodhi një farmaci gjatë natës, arrestohet 44-vjeçari me precedent penal në Durrës

Aktualitet | 8 muaj më parë

Një 44-vjeçar është arrestuar, pasi akuzohet se ka vjedhur gjatë natës një farmaci në lagjen nr. 12 në Durrës.

44-vjeçari u kap pasi u pikas duke dalë me vrap nga farmacia nga patrulla që po kalonte në zonë. Menjëherë është bërë ndalimi i tij dhe gjatë kontrollit iu gjet një çantë me produkte, të cilat rezultoi se ishin vjedhur në farmaci.

Në pranga përfundoi I. D., 44 vjeç, banues në Durrës, i cili rezulton i dënuar më parë për vjedhje.

Policia sekuestroi produktet e vjedhura, si dhe mjete që dyshohet se përdoreshin nga 44-vjeçari për kryerjen e vjedhjeve.

Hetimet vijojnë për të zbardhur raste të tjera të mundshme vjedhjesh që mund të jenë kryer nga i arrestuari.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.