Presidenti i Turqisë, Recep Tayyip Erdogan zhvilloi një bisedë telefonike me homologun e tij iranian, Masoud Pezeshkian, për të diskutuar zhvillimet e fundit rajonale, përfshirë tentativën e një tjetër rakete që po drejtohej drejt Turqisë.

Erdogan i tha presidentit Pezeshkian se shkelja e hapësirës ajrore të Turqisë “nuk mund të arsyetohet për asnjë arsye” dhe se “Turqia do të vazhdojë të marrë të gjitha masat e nevojshme kundër kësaj,” sipas një deklarate të Presidencës së Turqisë.

Nga ana tjetër Presidenti iranian Pezeshkian, nga ana e tij, deklaroi se raketat që hynë në hapësirën ajrore turke nuk ishin me origjinë iraniane dhe se çështja do të hetohet plotësisht.

Një raketë balistike e lëshuar nga Irani, hyri në hapësirën ajrore turke, u neutralizua nga asetet e NATO-s për mbrojtje ajrore dhe raketore të vendosura në Mesdheun Lindor.

Gjatë bisedës telefonike, Presidenti Erdogan theksoi nevojën për t’i hapur derën diplomacisë dhe vuri në dukje se Turqia po bën përpjekje për ta arritur këtë.

“Duke thënë se Turqia nuk i miraton ndërhyrjet e paligjshme kundër Iranit dhe shënjestrimin e vendeve vëllazërore në rajon nga Irani, Presidenti Erdogan deklaroi se shënjestrimi i vendeve vëllazërore nuk i sjell dobi askujt dhe se të gjitha këto duhet të ndalen.

Duke theksuar se Turqia po preket negativisht nga një konflikt në të cilin nuk është palë, Presidenti Erdogan theksoi se shkelja e hapësirës ajrore turke, për çfarëdo arsye, nuk mund të justifikohet dhe se Turqia do të vazhdojë të marrë të gjitha masat e nevojshme kundër shkeljeve të tilla”, thuhet në njoftimin e presidencës turke.

/rtsh.al/