Policia e Fierit arreston një 33-vjeçar për shitje të kokainës

Aktualitet | 7 muaj më parë

Policia e Fierit ka arrestuar një 33-vjeçar, banues në Lushnjë, në kuadër të operacionit të koduar “Rikthimi”, kundër shitjes së drogës së fortë.

I arrestuari, i cili ka precedent në fushën e narkotikëve, u kap në flagrancë gjatë një operacioni të kryer nga Specialistët për Hetimin e Narkotikëve, në bashkëpunim me Forcën e Posaçme Operacionale dhe në koordinim me Prokurorinë e Fierit

Gjatë kontrollit fizik, atij iu gjet një dozë kokainë, ndërsa në automjetin që drejtonte u sekuestruan 23 gramë të së njëjtës lëndë narkotike, dyshohet me qëllim shitjen.

Bashkë me drogën, policia sekuestron edhe automjetin dhe 2 celularët e të arrestuarit, si prova materiale.

Materialet procedurale janë referuar Prokurorisë së Fierit për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.