Kanceri i stomakut po përhapet gjithnjë e më shumë popullatën shqiptare. Të dhënat e fundit që disponon ISHP vlerësojnë se në vitin 2024 u diagnostikuan 355 raste të reja, duke shënuar kështu një rritje me rreth 6% ndërsa vdekshmëria cilësohet shqetësuese , si më larta në rajon, duke zënë 10% të totalit të kancereve.

 Prof. Arvi Dibra thotë për RTSH se shkak është kapja vonë e tij.

“Është tumori i tretë për nga përhapja. Fatkeqësisht diagnostikohet shumë vonë dhe jetëgjatësia është e shkurtër“,  tha Shef i Klinikës 1 Kirurgjikale,  QSUT

Në fakt kapacitetet diagnostikuese të këtij kanceri janë rritur më shtimin pikave ambulatore endoskopike, por qasja mbetet e ulët dhe nuk ka depistim sistemik.

 Prof. Dibra trajtimin e vlerëson potencialisht të mirë, por ende jo aty ku janë vendet e tjera.

“Për pasojë lind nevoja që sëmundja të diagnostikohet shpejt ne mënyrë që të rriten potencialet e trajtimit. Janë rritur potencialet e trajtimit kirurgjikal dhe ato të trajtimit onkologjik, po kështu edhe radioterapia, por ende nuk jemi ne standartet e vendeve europiane”, tha Prof. Arvi Dibra.

Prej dy vitesh “Agjencia e kërkimit shkencor” po mbështet punën e një grupi mjekësh për ngritjen e një regjistri spitalor universitar për pacientët me këtë kancer ku të mund të ofrohen të dhëna teknike profesionale të diagnozës, trajtimit dhe rezultateve të tij me qëllim vlerësimin e kapaciteteve që ka vendi në ndjekjen e kësaj sëmundje.

Gazetare: Sonila Mlloja

/rtsh.a/