Ka ndërruar jetë 16-vjeçari K. D., një prej personave që mbeti i plagosur rëndë në aksidentin e ndodhur disa ditë më parë në rrugën dytësore të Manzës.

Me humbjen e tij, numri i viktimave të ngjarjes së rëndë shkon në katër.

Në aksidentin e 19 gushtit, jetën e humbën drejtuesi i automjetit, 25-vjeçari K. V., bashkëshortja e tij 26-vjeçare S. B., si dhe 15-vjeçari A. M.

Dy persona të tjerë, përkatësisht 25-vjeçari R. V. dhe 16-vjeçari K. D., mbetën të plagosur dhe u transportuan drejt Tiranës për ndihmë mjekësore të specializuar.

Ngjarja ndodhi në orët e para të mëngjesit të 19 gushtit, rreth orës 02:22, në një prej rrugëve dytësore të Manzës.

Sipas të dhënave të policisë, automjeti drejtohej me shpejtësi prej 114 km/orë, ndërsa drejtuesi ishte në gjendje të dehur.

Në një kthesë, ai humbi kontrollin dhe u përplas me bordurën anësore të rrugës.

Në automjet ndodheshin pesë persona, të cilët kishin dalë për të festuar.

Aksident i rëndë në Manëz, makina del nga rruga dhe përplaset me bordurën, humbin jetën 3 persona, 2 të plagosur

/rtsh.al/