Tiranë, plagoset me armë zjarri një 54-vjeçar në rrugën “Josif Pashko”

Aktualitet | 2 orë më parë

Një 54-vjeçar dyshohet se është plagosur me armë zjarri në këmbë, mëngjesin e sotëm, në rrugën “Josif Pashko”, në Tiranë.

Sipas informacionit paraprak, rreth orës 06:50, shtetasi me inicialet G. A., rreth 54 vjeç, është paraqitur për ndihmë mjekësore në një spital shtetëror. Ai ndodhet jashtë rrezikut për jetën, ndërsa rrethanat e ngjarjes nuk dihen ende.

Ndërkohë, grupi hetimor po punon për sqarimin e plotë të rrethanave të ngjarjes, identifikimin dhe kapjen e autorit, si dhe dokumentimin ligjor të rastit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.