Vau i Dejës/ Burri godet bashkëshorten me sqepar, 55-vjeçarja në gjendje të rëndë

Aktualitet | 1 orë më parë

Një ngjarje e rëndë ka ndodhur në Vau të Dejës, ku një 55-vjeçare dyshohet se është goditur me sqepar nga bashkëshorti i saj, duke pësuar dëmtime të rënda në trup.

Ngjarja ka ndodhur rreth orës 13:00. E dëmtuara, e identifikuar si Z.K., rreth 55 vjeçe, është transportuar me ambulancë drejt Spitalit Rajonal të Shkodrës, ku ndodhet në gjendje të rëndë shëndetësore dhe në rrezik për jetën.

Pas ngjarjes, Policia e Shkodrës ka ndërhyrë dhe ka bërë të mundur arrestimin e bashkëshortit të saj, i cili dyshohet se e ka goditur me sqepar.

Ndërkohë, motivet e kësaj ngjarjeje të rëndë mbeten ende të paqarta. Forcat e Policisë dhe grupi hetimor po vijojnë veprimet në vendngjarje për të zbardhur rrethanat.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.