Përplasjet mes protestuesve dhe forcave të policisë gjatë ditës së katërt të protestave në Tiranë kanë lënë disa persona të lënduar, të cilët janë paraqitur për ndihmë mjekësore në Spitalin Universitar të Traumës.

Sipas të dhënave të përditësuara deri në orën 17:00, në Spitalin Universitar të Traumës janë paraqitur për ndihmë mjekësore pesë persona, mes tyre një efektiv policie, dy të mitur të moshës 16 dhe 17 vjeç, dhe një kalimtar.

Efektivi i policisë dhe njëri prej të miturve kanë marrë trajtimin e nevojshëm mjekësor dhe janë larguar, ndërsa 17-vjeçari vijon të jetë nën kujdesin dhe ekzaminimin e mjekëve.

Gjendja shëndetësore e protestuesit dhe kalimtarit raportohet e mirë.

Autoritetet shëndetësore vijojnë monitorimin e situatës, ndërsa nuk raportohen raste me dëmtime të rënda deri në këtë fazë të protestës.

Njoftimi i plotë i Spitalit Universitar të Traumës (ora 17:00):

Në Spitalin Universitar të Traumës janë paraqitur për ndihmë mjekësore:

Një efektiv policie, i cili ka marrë trajtim mjekësor dhe është larguar;

Dy të mitur, të moshës 16 dhe 17 vjeç. Njëri ka marrë trajtim dhe është larguar, ndërsa tjetri po ekzaminohet nga stafi mjekësor;

Një protestues, në gjendje të mirë shëndetësore;

Një kalimtar, në gjendje të mirë shëndetësore.

Spitali Universitar i Traumës vijon ndjekjen dhe vlerësimin e rasteve që paraqiten për ndihmë mjekësore.

/rtsh.al/