Shqipëria dhe Turqia, stërvitje të përbashkët në kuadër të NATO-s

Aktualitet | 1 orë më parë

Forcat Detare shqiptare dhe ato turke kanë zhvilluar një stërvitje të përbashkët në Gjirin e Vlorës dhe në Bazën Detare të Pashalimanit, në kuadër të aktivitetit të NATO-s “Neptune Strike 26-4”.

Në stërvitje morën pjesë anijet luftarake turke TCG Anadolu dhe TCG Gaziantep, mjete ajrore, si dhe Grupi i Bordingut Shqiptar.

Sipas njoftimit të Ministrisë së Mbrojtjes, aktiviteti kishte në fokus rritjen e gatishmërisë operacionale, bashkëpunim dhe ndërveprueshmëri për një NATO më të fortë e më të sigurt.

Neptune Strike 26-4 është një aktivitet i përbashkët ushtarak i NATO-s, që synon të testojë gatishmërinë luftarake dhe aftësinë e forcave aleate për të vepruar së bashku në operacione detare dhe shumëdimensionale.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.