Moti për sot, reshje shiu në të gjithë vendin, në veriperëndim priten shtrëngata

Aktualitet | 2 orë më parë

Ditën e sotme, vendi ynë do të ndikohet nga masa ajrore të paqëndrueshme, duke sjellë vranësira mesatare deri të dendura dhe reshje shiu në disa zona të vendit.

Reshjet me intensitet të ulët pritet të nisin në orët e mëngjesit, fillimisht përgjatë vijës bregdetare, për t’u shtrirë gradualisht edhe në pjesën tjetër të territorit.

Në zonën e veriperëndimit, reshjet herë pas here do të jenë me intensitet deri mesatar, në formën e shtrëngatave, të shoqëruara me shkarkesa elektrike.

Era do të fryjë nga kuadrati i jugut, me shpejtësi mesatare rreth 8 m/s. Përgjatë vijës bregdetare, ajo pritet të forcohet herë pas here, duke arritur deri në 16 m/s.

Ndërkohë, në det parashikohet valëzim i ulët, i forcës 2–4 ballë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.