Shiu shkakton përmbytje në Vlorë, uji dhe dherat bllokojnë disa rrugë

Aktualitet | 57 minuta më parë

Vetëm pak minuta reshje shiu kanë mjaftuar që në qytetin e Vlorës të shfaqen problemet e para me prurjet e ujit. Situata problematike është evidentuar kryesisht në zonat kodrinore të Ujit të Ftohtë dhe Kalasë, ku prurjet e larta nga kodrat kanë sjellë në rrugë ujë të përzier me dhera.

Si pasojë e reshjeve, uji ka vërshuar në disa akse rrugore të qytetit, duke penguar qarkullimin e automjeteve dhe krijuar vështirësi për drejtuesit e mjeteve. Dherat e transportuara nga rrjedha e ujit kanë përfunduar në rrugë, duke e bërë më të vështirë kalimin në zonat e prekura.

Reshjet kanë zgjatur vetëm pak minuta, ndërsa problemet regjistrohen në akset që kanë qenë gjithmonë të prekura në rast të përkeqësimit të motit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.