Aksident i shumëfishtë pranë nyjes lidhëse të autostradës Durrës–Tiranë, përmbyset një makinë pas përplasjes së tri mjeteve

Aktualitet | 51 minuta më parë

Një aksident i rëndë rrugor me përfshirjen e tre automjeteve ka ndodhur në aksin hyrës të autostradës në Durrës, pak pa kaluar urën e Shkozetit.

Sipas raportimeve të para nga vendngjarja, përplasja ka qenë e fortë, si pasojë e së cilës njëra nga makinat e përfshira ka përfunduar e përmbysur në mes të rrugës. Përplasja e tri mjeteve ka shkaktuar bllokim të përkohshëm të rrugës dhe vështirësi të shumta në qarkullimin e mjeteve që lëvizin drejt daljes nga qyteti i Durrësit dhe hyrjes në autostradë.

Në vendin e ngjarjes pritet mbërritja e shërbimeve të Policisë Rrugore dhe grupit hetimor për të normalizuar qarkullimin, si dhe për të kryer veprimet procedurale që do të zbardhin dinamikën dhe shkaqet e plota të përplasjes.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.