Aksioni i policisë për largimin e protestuesve, FNSH dhe Operacionalja ndërhyjnë me 4 autobotë uji

Aktualitet | 39 minuta më parë

Policia ka nisur një aksion të menjëhershëm për largimin e protestuesve nga bulevardi “Dëshmorët e Kombit” në Tiranë, pas orësh të tëra tensionesh dhe përplasjesh. Me mbërritjen e forcave të FNSH-së dhe të Operacionales, strategjia e efektivëve në terren ka ndryshuar, ndërsa ka nisur ndërhyrja për shpërndarjen e turmës.

Në zonë janë angazhuar katër autobotë me ujë, të cilët po përdoren për të larguar protestuesit, ndërsa efektivët po përparojnë në terren për të liruar bulevardin.

Ndërhyrja vjen pas përplasjeve të vazhdueshme mes protestuesve dhe forcave të rendit, gjatë të cilave janë hedhur gurë, molotovë dhe mjete piroteknike. Situata është tensionuar edhe më tej pas djegies së një automjeti në bulevard.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.